Қашықтықтан білім беру ерекшеліктері

0
425

Білім мен ғылымды өз дәрежесінде меңгерген елдер ғана әлемдік дамудың алдында болады. Ендеше біз халыққа білім беру және ғылымды дамыту, оларды реформалау ісін барынша қарқынды жолға қоюмыз керек.

Н.Ә.Назарбаев

 

Елімізде төтенше жағдай жарияланып, мектептер қашықтықтан оқытуға тез арада көшуге тура келді. Орта мектеп бағдарламасы бойынша мемлекеттік теларналар, қазақ радиосы арқылы сабақтар өткізіліп, ҚР білім және ғылым министрлігі қашықтықтын оқытудың нәтижелі әдістерін белсенді түрде қолданып жатыр.

Қашықтықтан оқытудың бір ерекшелігі, оқушының білім алуы, оған бетпе-бет білім бергенмен тең болмайды. Оқушымен бірге отырып сабақ өткізудің жөні бөлек. Осындай оқу үрдісінің бұзылуы елдегі пандемия салдарынан екені белгілі.

Осындай кезеңде еліміздің барлық оқушылары телеарнадан орта білім берудің мемлекеттік жалпыға міндетті стандарттарына сай оқу бағдарламасы бойынша, сабақ кестесіне сәйкес, алдын-ала дайындалған тақырыптар бойынша бейнесабақтар көріп көпшілікке тегін, қолжетімді желілер арқылы сабақ тыңдап, тапсырмаларды орындап, оқушы-мұғалім арасында керібайланыс жүріп жатыр.

Көптеген платформалар өз қызметтерін тегін ұсынды. Біз, ұстаздар, ата-анамен балаға тиімді «Қазіргі кезеңде қашықтықтан оқытудың төртінші аптасын аяқтадық». Осы уақыттар ішінде оқушыларымыз бен  ата-аналардың цифрлық сауаттылықтары бұрынғыдан да арта түсті. Бұл қашықтықтан оқытудың екінші бір жақсы ерекшелігі деуге болады.

Осы кезеңде оқушылар мен ата-аналардың қажеттіліктері мен мұқтаждықтарын үнемі бақылауда ұстап, сұрап біліп отырған Алатау аудандық білім бөліміне, Шаңырақ-2 ықшамауданындағы № 26 ЖББМ директоры Г. А. Сейтахметоваға оқушы мен ата-ананың алғыстары шексіз. ҚР БҒМ А.Аймағамбетов республика бойынша оқушыларға арналып 80 мыңға жуық компьютер мен планшеттер берілетінін мәлімдеген болатын. Мектеп басшысы Галя Ақылбекқызының  тындырымдылығы арқасында біздің мектеп оқушылары да осындай бөлінген байланыс құралдарына   қол жеткізді. Оқуға мүмкіндіктері ашылды.

Сондай-ақ кез-келген ұстаздың қашықтықтан сабақ беруге мүмкіндіктері бола бермейтіні белгілі. Ұстаздың да жағдайына назар аударған мектеп басшысы, ұстаздарға мектеп балансындағы компьютерлер мен ноутбуктарды уақытша пайдалануға беріп, ұстаздарға да мол мүмкіндік жасап берді.

Осындай қамқор, талапшыл, іскер ұжым басшысының бастамасымен ұстаздарымыз «Біз біргеміз», «Жақсылық жасаудан жалықпаймыз» атты үндеу – акциялары жалғастырып, көп балалы, мұқтаж отбасыларына қамқор –  қайырымдылықтарын көрсетіп жүр.

Отандық білім беру жүйесі үшін қашықтықтан оқыту форматына көшу үлкен сынақ. Осы сынақтан бар мүмкіндігімізбен оқушы- ата-ана –  ұстаз «үштігінің» белсенді, тығыз байланысы мен бірлігінің нәтижесінде шығамыз деп сенемін.

«Біз біргеміз!», «Үйдеміз!», «Білімнен қол үзбейміз!» дегім келеді.

 

 

Аймуханбетова Таслима Мұхтарқызы,

№ 26 ЖББ мектептің бастауыш сынып мұғалімі,

Алматы қаласы, Алатау ауданы

ПІКІР ҚАЛДЫРУ

Пікіріңізді енгізіңіз!
Атыңызды енгізіңіз

This site uses Akismet to reduce spam. Learn how your comment data is processed.