Тегін азық-түлік таратам деп түрмеге түсті

0
231

Тағы бір кәсіпкер азамат тегін азық-түлік пәкеттерін таратам деп 5 күнге қамалды. Жылайсың ба, күлесің бе? Иә, Атымтай Жомарт жігіт 200 адамға азық-түлік пәкетін дайындап, алдына ала хабарландыру беріп, тегін таратпақшы болып, халықты жинайды. Ал халық не істеген дейсіз ғой? Баяғы әдеттерімен лап берген. Аяғы төбелеске, жұлқысқа айналған. Кәсіпкер байғұс жанұшырған көпшілікті тоқтатпақ болған. Бірақ әбден ызалы, көздері қарайған халық оны тықсырып лақтырып та жібереді. Көп ұзамай полиция келеді. Халық оған да тоқтамайды. Ақырында осындай тамаша игі істі жасамақ болған кәсіпкер «тәртіпсіздік жасағаны үшін» деген айыппен бес күнге қамалды. Ал, ендеше! Нағыз тәртіпсіздік жасаған, жақсылықты білмеген көпшілік емес пе? Қайран, халқым-ай, сіздерге не болған? Ашкөздікпен бір-біріңді талау деген не сұмдық! Ата-бабамыздың сабыр деген қасиетін неге ұмытып барамыз?

 

Ертай Айғалиұлы

ПІКІР ҚАЛДЫРУ

Пікіріңізді енгізіңіз!
Атыңызды енгізіңіз

This site uses Akismet to reduce spam. Learn how your comment data is processed.