Қытай елшісі Чжан Сяо ақталып бақты

1
201

Жуырда жария болған «Қазақстан неліктен Қытайға оралуды аңсайды?» атты атышулы мақалаға қатысты Қытайдың «Глобал Таймс» газеті мен порталына эксклюзивті сұхбатында осы елдің Қазақстандағы елшісі Чжан Сяо: «Мынаған басымдық бергім келеді. Жуырда Қытайдың тәуелсіз контентінде жария болған мақала ешбір ресми орындардың көзқарасын танытпайды. Алайда, бұл жағдай қазіргі таңда ғаламтордың жалған, лас әрі әрқилы өсек-аяң ақпараттарға толып кеткенін айшықтап берді. Сондай-ақ, екі елдің қарым-қатынасына кері ықпалын тигізетін мұндай дүниелерді жоюда қос тарап та белсенді шаралар қабылдау қажеттігін ұқтырды. Қазақстан түймедейді түйедей етті. Бұл аталған елдің дипломатиясының жетілмегенін білдіреді. Жекелеген қолданушылардың пікірі тұтас бір елдің көзқарасын танытпайды. Интернет – ашық платформа. Сол себепті әркімнің аузына қақпақ болу мүмкін емес. Шетелдерде Қытайды қаралаған мақалалар ресми сайттардың бас беттерінде толып тұр. Қазақстанда да аз емес. Сол сияқты Қазақстанға қара күйе жаққан мақалалар Батыста да бар. Шағымшыл болса, оларға неге қарсылық білдірмейді?»– дейді ақталып. Ал, ҚР СІМ-нің бірінші орынбасары Шахрат Нұрышев мырзамен кездесу барысында: «Қазақстан-Қытай достастығының ғасырдан-ғасырға жалғастығының кепілі ретінде тарих оқулықтарының мазмұнына ерекше мән беру керек, жас ұрпақты тарихтың шынайы көзқарасы негізінде тәрбиелеу аса маңызды»,— деді. Қытайдың бұл жазбасы 510 мыңнан аса қаралып, көптеген пікірлер жазылған. Айта кететін жайт, өткен аптада Қытайдык sohu.com сайтында жария болған «Қазақстан неліктен Қытайға оралуды аңсайды» мақаласы сайттан алынды. Соңғы уақытта Қытай елшісін шақырып, наразылықтарын білдіріп жатқан елдер аз емес. Мысалы, жуырда «қараларды» ренжітті деп африкалықтар да шағым түсірген. Десе де, рухымызға қол сұғып жатса, ешкімнің бей-жай қарап отыра алмасы анық. Ұлтаралық араздық тудыратын бұл мақаланы кім жазса да, сол үшін тиісті жазасын алуы тиіс. Қытай билігі сөзінің дәлелі ретінде бұл жауапкершілікті өз мойнына алуы керек. Ал Қазақстанның бұған қатысты Қытай билігіне наразылық нотасын жолдағаны дұрыс болды. Әрі дер кезінде әрекет етті. Бұл жолы үнсіз отырсақ, келешекте тағы біреулердің қитұрқы әрекет жасамасына кім кепіл?!

1 Пікір

  1. Ақталып қана емес, кінәрат іздеп тұр ғой (упрекает), сұмпайы біреу екен өзі!!! 😡

ПІКІР ҚАЛДЫРУ

Пікіріңізді енгізіңіз!
Атыңызды енгізіңіз

This site uses Akismet to reduce spam. Learn how your comment data is processed.